Kultur sorkuntza Aiaraldean

Poesia eta musika uztartu dituzte Izaskun Del Cerro eta Mikel Etxaburuk euren proiektu berrian

"Oroitzen hondarra nota txikietan" proiektua aurkeztu zuten ostiralean Izaskun Del Cerro piano-joleak eta Mikel Etxaburu olerkariak. 

Urduñako Mugalde tabernako terrazan izan zen  ikuskizuna, eta dozenaka lagun bertaratu ziren emanaldiaz gozatzera. Aitor San Roman bizilagunak bideoz grabatu zuen, eta hemen goian ikusi daiteke osorik. 

Amak, amonak eta memoria arazoak izan zituzten hizpide bi sortzaileek, musika eta olerkiak uztartuta. Musikari urduñarraren konposizioak baliatu zituen Etxaburuk irailean plazaratuko duen liburuaren zenbait pasarte errezitatzeko. 

Denbora zeraman proiektuak tintontzian. "Mikel eta biok sare sozialen bdiez ezagutu genuen elkar", oroitu du Izaskun Del Cerrok, "niri pilo gustatzen zitzaidan bere idazteko modua eta berari  nire musika gustatzen zitzaion". 

Telefono bidez osatutako emanaldia

Elkarrekin zer edo zer egitea zuten buruan, baina orduan iritsi zen pandemia, eta albo batera utzi zuten proiektua, harik eta Mugalde elkarteko kideen deia jaso zuten arte. "Poesia musikatua egiteko proposatu ziguten. Elkarren artean hitz egin genuen eta oso pozik heldu genion erronkari".

Pianoa eta ahotsaz gain, telefonoa ere izan dute funstezko lanabes. "Telefonoz hitz eginda osatu dugu emanaldia. Ostiralean topatu ginen lehenbiziko aldiz, emanaldia baino bi ordu lehango". 

Sorkuntza prozesua ezohikoa izan den arren, "oso pozik" daude emaitzarekin. "Ikuskizuna mugitzea gustatuko litzaiguke, eta emanaldi gehiago lotzea".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide