Txarlazo Mendi Taldeak Pirinioetara irteera antolatu du irailaren 18 eta 19rako

Castillo d'Acher mendia. / S. Rae

Castillo d'Acher mendira eta Acheritoko iboira igoerak gauzatuko dira, eta izena emateko epea irailaren 8an, asteazkena, bukatuko da.

Urduñako Txarlazo Mendi Taldeak irteera bat antolatu du Pirinioetara. Irailaren 18an, larunbata, Acheritoko iboira igoera egingo dute, 1.867 metroko desnibelarekin eta 3 orduko iraupenarekin. Igandean, ordea, Castillo d'Acherrera egingo da igoera, 2.384 metroko altuera duen Piriniotako gailurra.

Irteera larunbatean egingo da, suhiltzaileen egoitzaren aurreko autobus geltokitik, 8:00etan. Iboira txangoa burutu ondoren, afaria, ostatua eta gosaria programatuta dago, Ozako basoko Borda Bisaltico kanpinean. Hala ere, mendi taldetik komunikatu dute parte hartzaile bakoitzak larunbaterako eta iganderako janaria eraman behar duela.

Bestalde, igandean Castillo d'Acherrera igoera egingo da, 7:00etatik hasita. Erdi-mailako zailtasuna duen ibilbidea da, mendi taldeak zehaztu duenez. 

Izen-ematea Lupardika tabernan edo Txarlazo Mendi Taldearen egoitzan egin daiteke, asteartean 19:00etatik 21:00etara. Epea asteazkenean bukatuko da. Bazkideek 75 euro ordaindu beharko dituzte, eta bazkide ez direnek, ordea, 85. Inskripzioa baieztatzeko 40 euro ordaindu beharko dira azken inskripzio eguna baino lehen. 

Txarlazo Mendi Taldeak hala azaldu du: “gure gidariek indarrean dauden osasun-neurriak betetzeko eskatu dute. Gainera, eguraldi txarra egitekotan, ibilbidea aldatu ahal izango dugu”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide