Kultur sorkuntza Aiaraldean

Iñigo Arrizabalagak 'Atrévete' abestia aurkeztu du ASASAM elkartearekin eta Sobrino Sobrado taldearekin

Iñigo Arrizabalaga musikaria. / Aiaraldea.eus

“Abesti honek, batez ere, egunero borrokatzeko gogoa transmititzen du”, sortzaile urduñarraren esanetan. 

Iñigo Arrizabalaga musikari urduñarrak sorkuntza berria du esku artean: Atrévete abestia.

Arrizabalagak Amaia Santosekin kointziditu zuen, ASASAMeko kidea dena (buru osasuneko arazoak dituzten pertsonen eta haien senideen Aiarako Elkartea). Berak olerkiak idazten zituen, eta musikariari eskatu zion kanta horietako bati doinua jartzeko. Arrizabalagak baietz esan, eta aste baten baitan hamarna olerki jaso zituen, gustokoena aukeratzeko. 

Orduan, Sobrino Sobrado bere taldearekin batu zen, abestia grabatu eta plazaratzeko. “Abesti honek, batez ere, egunero borrokatzeko gogoa transmititzen du. Egun nahasi hauetan sentimendu hori funtsezkoa da inolako susmorik gabe”, aitortu du Arrizabalagak, "guretzat 'ereserki' bat da. Proiektu horretara zuzendu behar dugu gure energia guztia, jakin badakigulako pribilegiatuak garela eta kantuak askok beharko dugun ausardia adierazten duela”.

Joserra Azcueren laguntza instrumentala eta grabazio-estudioan egindako lan ona ere badute; Iratxe Martínez de Arenazaren ahotsa, eta “dena ondo badoa”, bideoklipa ere plazaratuko dute laster. “Ikasturtea gogotsu hasi behar da (hori esaten zidaten behintzat) eta, horregatik, plazer handia da gure azken proiektua aurkeztea”.

Iñigo Arrizabalagaren hitzak

1998an grabatu nuen nire lehen 'Bilbao' abestia Carlos Zubiagak Deustun zuen 'Tío Pete' estudio zaharrean, nire osaba Jorge Iturmendi 'Rufus' zenak konposatutako abestia zen, eta beti 'Sobrino Sobrado' izeneko talde bat sortzeko “mehatxua” egiten nion.

Gaur, hogei urte baino gehiago igaro ondoren, hemen jarraitzen dut Urduñan, Titi Calvo bateriarekin eta Javier Peña 'Toro' baxuarekin 'Atrévete' aurkezten.

"Istorio labur" oso bat du atzean, ASASAMi estuki lotua; "garai nahaspilatsuetan" sortua, azken teknologiak eta maskara erabiliz, eta "hartualdi bakar batetik grabatua" esan ohi den bezala (ihes emozionaleko hodi bat).

Urduñako TeBeOteka gure "babeslekua" izan da Kultura Sailaren laguntzari esker, eta gure hurrengo helburua urriaren 10ean, Buru Osasunaren Nazioarteko Egunean, bertan egotea da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide