Zabalik dago Urduñako adierazpen plastikoko ikastaroan izena emateko epea

Unai San Pedro Camacho 2021eko irailaren 8a

Lanbide Heziketako eraikinean eskainiko da ikastaroa. / Urduñako Udala

Irailaren 19ra arte egongo da irekita izena emateko egiteko aukera.

Aurten ere, Urduñako haur eta gazteek adierazpen plastikoko ikastaroan parte hartzeko aukera izango dute 2021-2022 ikasturtean, Bagabiltzaren eskutik. Egitaraua 4 eta 14 urte bitarteko urduñarrei bideratuta dago, eta margoketa teknika guztiak landuko dituzte bertan.

Ikastaroa urritik maiatzera eskainiko da FP eraikinean (Gran Via, 10), ostiralero 17:00etatik 18:30era. Ikastaroa euskaraz burutuko da eta 128 euroko prezioa izango du, materiala zenbatu barik.

Izena emateko, parte hartu nahi duen orok, b.margoduna@gmail.com helbide elektronikora idatzi beharko du, irailaren 19a azken eguna izanda.

Halaber, Urduñako Udaletik komunikatu dute COVID-19aren aurkako beharrezko segurtasun neurri guztiak mantenduko direla.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide