Eguzki plakak instalatuko dira Urduñako udal pilotalekuko sabaian

Urduñako udal pilotalekuan jarriko dira plakak. / Urduñako Udala

Urduñako Udalak energia ordaintzeko kostuak murriztea izango da egitasmoaren helburua.

Urduñako Udalak jakinarazi du udal pilotalekuko estalkian energia fotoboltaikoko hornidura eta instalazio lanak gauzatuko direla, Iniciativas de Tecnología y Sostenibilidad S.L. enpresaren eskutik. Obrarako 55.424,29 euroko aurrekontua baliatzea aurreikusi dute (BEZa barne).  

Autokontsumora bideratuko da azpiegituraren bidez lortutako energia, eta 500 metroko erradioan dauden udal eraikinak energiaz hornituko dira horrela. Lana energia-jasangarritasunaren araudira egokitzeko eta energia ordaintzeko kostuak murrizteko helburuarekin egingo da.

Aurreikusi da instalazio lanak 2021eko urria baino lehen bukatzea. Hurrengoak dira kontratuaren barruan sartzen diren zerbitzuak: hornidurarako proiektua, ekipo eta materialen hornidura, instalazioa, tramitazio administratiboa, sistema habian jartzea eta, gutxienez, lehen urterako mantentze-lanak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide