Ivan Fandiño toreatzailearen omenezko eskultura inauguratu zuten larunbatean eta ekitaldi publiko jendetsua deitu zuten horretarako.
2017ko ekainaren 17an hil zen Ivan Fandiño toreadore urduñarra, zezen batek harrapatuta. Larunbatean ekitaldia antolatu zuten bere omenezko eskultura inauguratzeko.
Aurreskua eta Fandiñoren omenezko bi pasodoble jo zituen Urduñako Musika Bandak eta lore eskaintza ere egin zioten. Jendetza batu zen eguerdian ingurutan, bai hirikoa zein kanpokoa, eta Ertzaintza agertu zen publikoari segurtasun distantziak errespetatzea eskatzeko, nahiz eta antolatzaileek eurek kalea moztu zuten edukiera mugatzeko.
Inaugurazioaren ostean, hainbat urduñar geratu ziren argazkia egiteko bustoarekin batera.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.