Javi Irabienek, Xabi Irabienek eta Spiderabel Fernandezek goiz osoa eman zuten atzo Foru Plaza inguratzen AEFAT elkartearen aldeko dirua biltzeko. Bitarteko ekonomiko horiek ataxia telangiectasia ikertzera bideratuko dira.
Atzo 10:00etan abiatu zuten elkartasun erronka berria Javi eta Xabi Irabien aita-seme eta txirrindulariek eta Spiderabel Fernandez lasterkariak. Bizikletaren gainean 78 kilometroko ibilbidea egin zuten Foru Plazari bueltak emanda, 250 guztira. Spiderabel Fernandezek, aldiz, 42 kilometroko lasterketa egin zuen. 14:00ak arte luzatu zen erronka.
Ahaleginaren helburua izan zen AEFAT elkartearentzat dirua batzea, ataxia telangiectasia gaixotasunaren ikerketa finantzatzeko.
Herritar ugarik egin zuten bat xede horrekin. Gauzak horrela, indabak saldu zituzten finantziazioa lortzeko eta hainbat jarduera gauzatu zituzten plazan, ume zein helduentzat. Edonola ere, ekarpena egiteko aukera irekirik dago oraindik, hemen.
Argazkiak: Antonio Muñoz
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide