Heriotzari buruzko 'harresia' osatu dute Foru plazan, hainbat bizilagunen ekarpenekin

'Hil aurretik nahi dut' harresia jarri dute gaur Foru plazan, 'Dando vida a la muerte’ jaialdiaren barruan. 

Dozenaka herritar igaro dira bertatik 11:00etatik 14:00etara bitartean, eta hil aurretik bete nahi dituzten desioak eta bestelako helburuak idatzi dituzte panelean. 

Heriotzaren gaineko kontzientzia hartzea izan da egitasmoaren xedea. Antolatzaileek azaldu dutenez, Nueva Orleansen (Estatu Batuak) du jatorria harresiaren dinamikak. "Candy Chang izeneko artistak espazio publikoa baliatzen zuen bertan, bizilagunen arteko elkarrizketak sustatzeko", aipatu zuen Bertan Alfonso Requejok Zikoina udal aldizkarian eginiko elkarrizketa batean, "hortik abiatuta, 70 herrialde baino gehiagora zabaldu da metodologia hori". 

'Death Cafe'-a hilaren 25ean

Gaurko ekintzaz gain, heriotzari buruzko beste egitasmo bat antolatuko dute hirian: 'Death Cafe'-a. Heriotzaz "modu librean" hitz egiteko espazioa izango da, "gidoirik jarraitu gabe". 

Azaroaren 25ean izango da zita, 18:00etan Alondegian. 

Argazkiak: Antonio Muñoz

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide