Dozenaka lagun elkartu dira Bizkaiko Mendi Federazioak Urduñan antolaturiko "Berdintasunaren aldeko gailurrak" egitasmoaren lehenengo martxan. Antolatzaileen hitzetan, egitasmoak "emakumeak mendira hurbiltzera animatzea" du helburu.
Mendizaleak 9:00etan abiatu dira Urduñako Foru Plazatik eta Txarlazo izan dute helmuga. Gailurretik jaitsi ostean kontzertu txiki bat eskaini diete martxan parte hartu dutenei Foru Plazan bertan, oroigarri bana banatzearekin batera.
Istripu arina
Martxan parte hartzen ari zen mendizale batek istripu arina izan du Txarlazo inguruan, Ertzaintzako mendi erreskaterako taldetik jakinarazi dutenez. Mendizaleak mina hartu du belaunean, eta inguruan zeuden zaintza eta erreskate unitateko kideek menditik jaisten lagundu dute. Mendizaleak ez du aparteko arretarik jaso behar izan.
Txarlazo, subida popular "Cimas por la Igualdad". Una participante lesionada, asistimos y porteamos con la ayuda del personal de la organización de @Emffvm .
— UVR Ertzaintza (@UvrErtzaintza) November 13, 2021
Min hartu duen mendizale bat lagundu dugu gaur Txarlazon, @Emffvm -ko gure lagunekin batera.
Mila esker denoi!#uvr pic.twitter.com/XDJO7ufgWD
Argazkiak: Antonio Muñoz