10 euroko billete faltsuak agertu dira Urduñan

Urduñan agertutako billete faltsuetako bat. / B. T.

Urduñako Eroski supermerkatuan 10 euroko bi billete faltsuren berri izan dute eta gertatutakoa zabaldu dute, jendea adi egon dadin.

Urduñako Eroski supermerkatuan 10 euroko bi billete faltsu jaso dituzte azken egunetan. Begoña Torres dendako arduradunak azaldu du lehenengoa ostiralean agertu zela eta norbaitek apropos baliatu zuela egoera: "Jende ugari zegoen eta ez genuen denborarik izan horri erreparatzeko. Gero, kutxan zegoena zenbatu genuenean, konturatu ginen".

Atzo ere beste bezero batek 10 euroko billete faltsua eraman zuen Eroskira, baina Torresek honakoa aipatu du: "Argi eta garbi gazteak ez zekien faltsua zenik, nik jakinarazi nion eta bera zur eta lur geratu zen eta ez zekien zer egin. Argitu nion dirua galdu zuela, bankuak ez baitio itzuliko eta eskatu zidan billetearekin geratzeko. Ziurrenik norbaitek iruzur egin zion, guri bezala".

Egun gutxitan bi billete ikusi dituztenez, Begoña Torresek erabaki du publiko egitea norbait diru faltsua erabiltzen ari dela: "Nire ustez, billete faltsuak sartu dituenak badaki zer egiten duen. Izan ere, ostiralean guri iruzur egin zigun eta, nahiz eta ohituak gauden dirua ebaluatzera, pasa zitzaigun. Ez dut uste billete faltsuak inprimitu dituenak bi bakarrik egitea, hortaz, komenigarria da jendeak, bereziki nagusiek, jakitea, adi egoteko".

Salaketarik ez komisaldegian

Begoña Torresek aipatu du diru faltsua zirkulaziotik kenduko dutela eta kopuru txikia izan denez, ez duela salaketa jarri Ertzaintzan. Aiaraldea Komunikabidea poliziarekin jarri da harremanetan eta ertzainek berretsi diote ez dagoela, momentuz, salaketarik.

Edonola ere, Ertzaintzak azpimarratu du horrelako kasuetan onena dela salaketa egitea komisaldegian: "Talde antolatua bada diru faltsua sartzen ari dena, guk kontrolatu beharko genituzke bere mugimenduak".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide