Pertsona bat atxilotu du Ertzaintzak Urduñako okindegi batean lapurtzea egotzita

Txabi Alvarado Bañares 2021eko abenduaren 16a
Deskargatu Info Ahotsak :

Laudioko Komisaldegira eraman dute atxilotua. / Ertzaintza

Bizilagun batek abisatu du polizia, pertsona bat establezimendura sartzen ikusi duenean. 

35 urteko gizonezko bat atxilotu du Ertzaintzak gaur goizaldean Urduñan. Gaueko 00:30ak aldera jaso dute deia. "Berriemaile batek poliziaren laguntza eskatu du, gizon bat, sarrerako atea behartuta, okindegi batean sartzen ikusi baitu", azaldu dute prentsa-oharrean. 

Patruila bat iritsi da tokira, eta gizon bat aurkitu du lokalaren alboan, berriemaileak emandako deskribapenarekin bat zetorrena. "Agenteek establezimenduko segurtasun-kamerak begiratuta egiaztatu dute lapurreta egiten ahalegindu dela, eta lapurreta-delitua leporatuta atxilotu dute, beraz". 

Laudioko komisaldegira eraman dute atxilotua, eta goizean zehar geratu da epaileen esku. 

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide