ARGAZKI KRONIKA

Urduñako Jai Alai frontoia, Mari Domingi, Olentzero eta dantzarien jai alai

Hiru bisita ordu eskaini zituzten Mari Domingik eta Olentzerok atzo Urduñako frontoian. Familia ugarik izan zuten beraiekin egoteko aukera.

Urduñako Jai Alai frontoia bilakatu zuten jai alai atzo Mari Domingik eta Olentzerok. Azken urteetan bezala, bertan itxaron zituzten herritarrek bi pertsonaiak. Lasto fardo artean atseden hartzeko toki goxoa prestatu zieten, eta hala igaro zuten atzoko arratsaldea.

Zirku-antzerki, bertso eta dantza artean egin zieten harrera atzo Olentzerori eta Mari Domingiri Urduñan

Zirkuko erakustaldiak ere izan zituzten ikusleek gozagai, baita Urduñako Erauntsi dantza taldearen emanaldia ere. 

Bertsoak abestuta egin zieten harrera Mari Domingik eta Olentzerok harmailetan eseritako familiei. Dantzan bukatu zuten, ordea. 

COVID-19ak eragindako osasun egoeraren ondorioz, haurren adinaren arabera antolatu zituzten bisita txandak. Hain zuzen, 3 zita antolatu zituzten umeek eta familiek gozatu ahal izateko.

Txandaka agurtu eta goxokiak banatu ostean, mendira itzuli ziren Mari Domingi eta Olentzero, Aiaraldeko zein Euskal Herriko etxe guztietan opariak banatzera.

Argazkiak: Iratxe Murias eta Irati Mendiguren Cosgaya

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide