"Patio berdeak" proiektuaren barruan, zuhaitz landaketa egin du Herri Eskolako Guraso Elkarteak

Izar Mendiguren Cosgaya 2022ko urtarrilaren 31
Deskargatu Info Ahotsak :

Larunbatean egin zuten auzolana Urduñako Herri Eskolako Guraso Elkarteak deituta. Familien artean atondu zuten ikastetxearen kanpoko aldea. 

Urduñako Herri Eskolako Guraso Elkarteak auzolan eguna antolatu zuen urtarrilaren 29an. Goizean zehar, makina bat familia elkartu ziren ikastetxeko patioan. Zuhaitzak landatzea izan zen helburua, eta modu horretan igaro zuten goiza. Sare sozialetan azaldu dutenez, patio berdeen egitasmoaren barruan kokatu dute ekimena, "guztion artean nahi duguna eraikiz".

Ekintzaren balorazio positiboa egin dute antolatzaileek. "Goiz polita patioko inguruetan landatzen. Eskerrik asko hurbildu zareten guztioi", azpimarratu dute. 

Argazkiak: Urduñako Eskola Publikoko IGE

Hezkuntza Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide