Irudimena eta talde lana nagusi Urduñako mozorro desfilean

Erredakzioa 2022ko otsailaren 27a
Deskargatu Info Ahotsak :

Dozenaka herritarrek parte hartu zuten atzo Urduñako mozorro desfilean, taldeka antolatuta. 

Herri eskolaren patioan egin zen ekimena, eta mozorro irudimentsuak plazaratu zituzten. DJ Paco eta DJ Varro arduratu ziren arratsaldea eta gaua girotzeaz. 

Ekintza gehiago

Egitarau oparoa antolatu du Urduñako Udalak Inauterietarako, hiriko elkarteekin elkarlanean. Gaur kalejira egon da Santa Zezilia musika bandaren eskutik, eta dantza poteoa Erauntsi dantza taldearekin. 

Bihar, astelehena, Aratuste tostadak kozinatzeko tailerra egongo da, 17:00etan Alondegian. 6-12 urte bitarteko haurrei bideratutako jarduera izango da, eta Marmitaren elkarteko kideek dinamizatuko dute. 

Asteartean egingo dira azken ekintzak. "Bazen behin..." izeneko jarduera egingo dute 17:00etatik 20:00etara udal liburutegian. Herritar guztiei bideratutako ekimena izango da. Horrez gain, Onward filma proiektatuko dute, 17:00etan Alondegian. 

Argazkiak: Antonio Muñoz

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide