Bizitza koktela liburua plazaratu du Maite Garcia. Lehendik ere beste liburu bat egina du urduñarrak. Amurrion eta Laudion izango dira bere lan berriaren hurrengo zitak.
Laudion izango da lehenbiziko deialdia, gaur 19:30ean Herriko Plazako erabilera anitzeko aretoan. Amurrion, berriz, igandean izango da ekitaldia, 18:00etan Kirtana Yoga zentroan. Egileak Aiaraldea Komunikabideari azaldu dionez, lagunduta egongo da: Miren Zubiagak elkartasunezko aurpegi margoketa egingo du ekintzak dirauen bitartean.
Maite Garciaren hitzetan, aurkezpenetan bildutako dirua Ukrainako gerrari aurre egiteko baliatuko du: "Liburu aurkezpenean jasotako diru guztia udaro Aiaraldera etortzen diren ume ukrainarren familiei emango diet".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
