Urduñako Mugalde Elkarteak 33 urte bete ditu. "Mugalde elkartearen eta herriko tabernaren 33. ospatzea izan zen helburua, hainbeste urtez herriarekin eta herriarentzat eginiko lana balioan jartzea". Hala adierazi du Karra Saez elkarteko kideak. Ostiraletik igandera bitarte, ekintza desberdinak egin dituzte tabernaren inguruan. Batetik, barikuan, Txalainak taldearen kontzertua egon zen. Bestetik, igande eguerdian, omenaldia antolatu zuten. "Gainera, data baliatuta, Tasio marrazkilariaren tira komikoez osatutako erakusketa ikusgai jarri dugu tabernan", erantsi du.
Tasio marrazkilari ezagunaren tira komikoak ikusgai egongo dira Mugalde tabernan datozen egunetan
Aurrera begira kultur egitaraua prestatzen jarraitzeko asmoa dute, Mugalde Kultura ekimenaren bitartez. "Kultur Elkarteak ohikoak dituen ekintzak garatzen jarraituko dugu: Otxomaioetako herri bazkaria, gabonetako herri azoka, urteurrenak... Herriko hainbat talderekin elkarlana sustatzen jarraituko dugu ekimenak aurrera ateratzeko".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide