Urduñako Erauntsi Dantza Taldeak egun osoko egitaraua prestatu zuen atzo, martxoak 26. Eguerdiko 13:00etan ekin zioten egitarauari, Foru Plazatik abiatu zen dantza-poteoarekin. Herriko kaleak zeharkatu ostean Herri Eskolako patioko karpan elkartu eta herri bazkaria egin zuten.
Musika eskaintza 18:00etan abiatu zuten. Patxi Perez eta konpainia igo ziren oholtzara, eta dantza-plazan batu ziren eskolako patioan bildutako dozenaka lagunak. Erruki erromeriak eta DJ Varro musika jartzaileak eman zioten segida jaiari.
Bildutako diru guztia AEFAT elkartera bideratuko du Erauntsi taldeak, ataxia-telangiektasia gaixotasuna ikertzeko. Zentzu horretan, beste jaialdi bat ere iragarri du AEFATek Urduñan; ekainaren 27an egingo dutena, hain zuzen.
Argazkiak: Ainhoa Gutierrez
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide