Bigarren postuarekin bukatu du Espainiako Txapelketa Olaia Gurrutxaga Zabala urduñarrak. Atletismo egokituan urteak daramatza gazteak lehiatzen, eta emaitza bikainak eskuratu ditu beste behin ere: 800 metroko lasterketan txapeldunordea izan da, eta bosgarrena 400 metroko kategorian.
Vallehermoson (Madril, Espainia) izan zen norgehiagoka maiatzeko lehenbiziko asteburuan; hots, hilaren 5etik 8ra. Bertako Igogailuak Javi Conde Klubeko kidea da Gurrutxaga Zabala, eta taldeak 34 domina lortu ditu guztira Espainiako Txapelketan laugarren urtez jarraian. Bizkaitarrek 34 dominetatik 10 urrezko, 16 zilarrezko eta 8 brontzezko lortu zituzten, prentsa oharrean azpimarratu dutenez. Ez da Espainian eskuratutako lorpen bakarra, "neguan Espainiako Kros txapelketan taldekako lehen postua lortu genuen, podiumaren maila gorenera helduta, Lapatzan (Basauri)".
Argazkiak: Gotzon Garcia
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide