ARGAZKIAK

Igor Antonek eta Galdakaoko Txirrindulari Elkartearen erronka solidarioak Urduña bisitatu zuen larunbatean

Bizkaiko lau puntu kardinalak lotu zituzten larunbatean -ekainak 3- Galdakaoko Gela Txirrindulari Elkarteko kideek eta Igor Anton Euskaltel Euskadiko txirrindulari ohiak. Urduñan egin zuten bigarren geldialdia.

Galdakaoko Gela Txirrindulari Elkarteko kideek eta Igor Anton Euskaltel Euskadiko txirrindulari ohiak sustaturiko elkartasun erronkak Urduña bisitatu zuen larunbatean, ekainak 3. Galdakaoko boluntario elkartearentzat dirua biltzea zuen helburu ekimenak. Horretarako, Bizkaiko lau puntu kardinalak lotu zituzten bizikletaz.

Galdakaotik abiatu ziren kirolariak goizaldeko 3:15ean. Lanestosan egin zuten lehen geldialdia, Bizkaiko herririk mendebaldekoena. Urduñara jo zuten jarraian, Bizkaia hegoaldeko herria, eta ibilbidearen 165. kilometroa. Aiaraldetik Ondarru eta Matxitxako lur-muturrera jarraitu zuten, azkenik Galdakaora itzultzeko berriz. Guztira, 350 kilometroko zeharkaldia egun bakarrean.

Argazkiak: Galdakaoko Gela Txirrindulari Elkartea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide