Asteburu honetan izango da Urduñako San Joan abere azoka

Udaberriko azken asteburuan egiten da beti San Joan azoka. / Aiaraldea.eus

Larunbat eta igandean egongo dira ekintzak, Olaran elkartearen eskutik. Hala ere, igandean izango da Euskadiko Txaroles Abereen XVIII. Txapelketa.

Koronabirusak eragindako pandemiaren etenaldiaren ondotik, San Joan azoka berreskuratuko du Urduñak. Ekainaren 18an eta 19an ospatuko dute feria, egun nagusia igandea izango bada ere.

Larunbatean, artzain txakur txapelketa egingo dute Juan Garaiko zelaian, 18:00etan. Igandean, aldiz, behi txarolesak izango dira protagonista

Larunbatean, artzain txakur txapelketa egingo dute Juan Garaiko zelaian, 18:00etan. Igandean, aldiz, behi txarolesak izango dira protagonista. Hain zuzen, hamazortzigarren Euskadiko Txapelketaren lekuko izango da hirigunea. Hala, goiz osoan zehar txaroles arrazako animaliak ikusi edota erosteko aukera eskainiko dute Urduñan.

Horrez gain, nekazal makinen erakusketa egongo da, baita "Enkarterriko txakur billanoena" ere. Erantsi dutenez, artisauak eta baserritarrak ere bertaratuko dira, bakoitzak bere produktuak saltzeko. Gainera, umeentzat zaldi ibilaldiaz gozatzeko aukera ere egongo da. Egunari amaiera emateko, herri bazkaria egingo dute 15:30ean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide