Gaur 19:00etan inauguratuko dute Bide batez argazki erakusketa Orduña Hiri Museoan. Bere egilea urduñar bat izan da, Jose Ramon Llano Mendia. Gizon horrek ibilbide oso luzea egin du argazkigintzan eta, esaterako, 1984an Gualdetxu Foto Cluba sortu zuen, tokiko beste zaleekin.
Urduñako museo herrikoian erakutsiko ditu 44 irudi eta lau ardatzetan egongo dira antolaturik: oroitzapenak, abstrakzioak, arkitekturak eta naturak. Horiek guztiak dira egileak azken 30 urteetan landu dituen gaiak.
Bisitariak sumatuko du argazki zaharrak zuri-beltzez eginda daudela eta berriagoak direnak, aldiz, kolorez. Izan ere, Llanok zuria eta beltza baliatzen zuen teknologia analogikoarekin eta kolorea da gehien gogoko duena era digitalean.
Urriaren 2ra arte egongo da ikusgai erakusketa eta, hain zuzen,. asteburutan bisitatu daiteke museoa, 17:00etatik 20:00ak bitartean ostiraletan, 11:00etatik 14:00ak arte eta 17:00etatik 20:00ak arte larunbatetan eta goizeko ordutegian igandetan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
