Urduñako adingabeen zentroko 17 urteko mutil bat hil da Sarriako putzu batean, itota

Erredakzioa 2022ko uztailaren 8a
Deskargatu Info Ahotsak :

Baia ibaia, artxibo irudi batean. / Wikipedia

Atzo gertatu zen ezbeharra. Azken bi urtetan Urduñako zentroko bi adingabe hil dira uretara salto egin ostean. 

Urduñako adingabeen zentroko 17 urteko mutil bat hil zen atzo Sarriako putzu batean (Araban), Berria egunkariak jakinarazi duenez. Ertzaintzak azaldu duenez, itota hil zen gaztea, "itxura guztien arabera".

Poliziak azaldu duenez, gazteak putzura egin zuen salto bertan igeri egiteko, eta suhiltzaileek ia pultsurik gabe atera zuten bertatik. 

Honakoa ez da gertatzen den mota honetako lehen gertakaria. 2020an zentro bereko beste adingabe bat zendu zen Basalduako urmaelean, adin berekoa. 

Urduñako Udalak adierazpen publikoa egin du eta doluminak emateko hildakoaren gertukoei, baita adingabeen zentroko hezkuntza taldeari eta bertako gazteei ere.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide