Dantza eta futbola uztartu zituzten Aiara Berrik eta Erauntsik Urduñako igerilekuetan

Erredakzioa 2022ko uztailaren 17a

Dantza emanaldia, areto futbol partidak eta DJ emanaldiak uztartu zituzten Aiara Berrik antolatutako jaian. Umeen artean bi txapelketa triangeluar jokatu zituzten eta helduei degokienez, Aiara Berrik irabazi zion Viejas Glorias taldeari.

Ekimen berezia prestatu zuten Aiara Berri areto futbol klubeko kideek ostiralean Urduñako igerilekuetan, jaia, dantza eta kirola uztartuz.

Erauntsiko kideak izan zituzten bidelagun horretarako. Emanaldia eskaini zuen dantza taldeak futbol partiden artean. Umeen norgehiagokak jokatu ziren lehenbizi, 16:00etatik 19:00etara, eta 20:00etan Viejas Glorias Orduña eta Aiara Berri aritu ziren nor baino nor. Ondoren, Menda Lerenda DJ eta Karrifest arduratu ziren iluntzea girotzeaz. Helduen norgehiagokan Aiara Berrik irabazi zion CD Orduñako jokalari ohiekin osatutako taldeari, 7-3, hain zuzen.

Argazkiak: Antonio Muñoz, Cristina Gomez, Aiara Berri

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide