Txarlazora igota ospatu dute Santiago eguna Urduñan

Foru plazatik abiatu ziren mendizaleak goizean, 'BBK martxa' ekimenarekin bat eginez. Partaide bakoitzak tokiko produktuen poltsa eraman zuen opari.

'BBK martxa' egitasmoari hasiera emateko tokia bilakatu zen atzo Urduña. Izan ere, udan zehar 5 hitzordu aukeratu dituzte, solasaldi, ingurumen ekintza eta mendi buelta bana uztartzeko. Asteburuan izan dira lehenbiziko bi jarduerak Urduñan, eta atzo izan zen azkena: Txarlazora igoera. 

Txarlazo Mendi Taldearekin elkarlanean aritu dira antolatzaileak eta, ohiturari jarraiki, lagun ugari igo ziren hiriko gainera. Bizkaiko Mendi Federazioak gidatzen du proiektua, eta sare sozialetan zabaldu du martxaren uneetako bat, Antzinako santutegitik igaro ziren momentua, zehazki:

Argazkiak: Antonio Muñoz, Bizkaiko Mendi Federazioa eta Txarlazo Mendi Taldea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide