17:30ean izan zen Urdufolk jaialdiko lehen ekitaldia, atzo. Hain zuzen, igerilekuak bilakatu zituzten eszenatoki, eta ume zein guraso ugari gerturatu ziren Arbietoko azpiegituretara emanaldiaz gozatzera.
Izan ere, kontzertu didaktikoa eskaini zuten bi musikariek. Hala, Euskal Herriko eta munduko zenbait musika tresna erakutsi zizkieten bertaratutakoei: trikitixa, txalaparta...
Partaideek Aiaraldea Komunikabideari adierazi diotenez, azalpenen artean hainbat musika pieza jo zituzten: "Txalapartarekin hasita, hainbat instrumenturen jatorria eta funtzionamendua azaldu dituzte: txalaparta, txistua, danbolina, txirula, soinu txikia, panderoa, alboka... Baita kanpotik ekarritako bi ere: streeldrum (Trinidad eta Tobagoko instrumentua) eta Tavla (indiako tinbala)". Gauzak hala, giro ederrean igaro zuten arratsa, "bukaeran dantzara ere animatu zen jendea", aitortu diote hedabideari.
Asteburu osoan luzatuko da Urdufolk jaialdia. Hemen ikusi daiteke egitaraua.
Argazkiak: Itsaso Arrizabalaga
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide