"Diziplina ugariko piloto mordoa aireratu ziren larunbatean goizean goizetik". Irrikaz bizi izan zuen Gorobel parapente taldeak zapatuko topaketa. Sare sozialetan aipatu dutenez, minibelak izan ziren lehenbizikoak Gorobeleko parajeak zeharkatzen, akrobelekin batera: "Euren abiadura eta peripeziekin piloto zein bidaiariak txunditu zituzten, aleroek euren materiala prestatu bitartean".
Haizeak, baina, ez zuen denen gogotik astindu: "Eguerdian pittin bat baretu zen haizea, eta bela batzuk aprobetxatu ahal izan zituzten. Azkenean, eszenatoki magikoa geratu zen: delta hegalekin, parapenteekin, bela txikiekin eta dronekin zeruan jostari. Eta, guzti hori familiako abilenen zertzelada akrobatikoekin lagunduta".
"Milesker guztiei gure hegan egiteko eremura beste behin ere gerturatzeagatik eta gozatzeagatik"
Gorobel mendilerroan ez ezik, Tertangako eskola zein zelaietan ere egin zuten topaketa. Horren adibide izan zen bertan burututako parrillada, edota Orozkoko garrafa dastaketa. "Bigarren edizio honetan, Pikaro Kopara ez ziren asko animatu, baina maila altu zegoen".
Gorobel Taldeak aipatu duenez, orotara, 160 lagun inguru hurbildu ziren ekimenaz gozatzera: "Igandean ere batzuk hegan egiteko aprobetxatu zuten; oraingoan apenas zegoen haizerik, baina denontzako eguna izan zen, urrunetik Urduñara bisitan etorri zirenek Urduñatik bueltaxka bat emateko egun paregabea. Milesker guztiei gure hegan egiteko eremura beste behin ere gerturatzeagatik eta gozatzeagatik".