Elkartasun uholdea jaso du Ataxia Telangiektasiaren aurka borrokatzen duen AEFAT elkarteak Urduñan.
Herritar talde batek gaixotasun arraro honen ikerketara dirua bideratzeko AEFAT jaialdiaren lehenengo edizioa antolatu zuen ekainaren 24 eta 25ean, Reincidentes, ETS, Modus Operandi eta Moonshine Wagon taldeen laguntzarekin. Elkartasun jaialdiak 5.500 euro bildu zituen guztira, elkartetik jakinarazi dutenez.
"Horrelako elkartasun ekimen bat antolatzeko guztion parte hartzea ezinbetsekoa da"
Antolatzaileak oso pozik azaldu dira emaitzarekin Aiaraldea Komunikabideari adierazi diotenez, eta Urduñako herritar, elkarte eta Udalaren ekarpena eskertu dute ere: "Horrelako elkartasun ekimen bat antolatzeko guztion parte hartzea ezinbetsekoa da, eta hori lortu dugu Urduñan". Aitortu dutenez, bildutako diruaz gain, gaixotasuna bera ere asko ezagutarazi da, eta hori "positibotzat" jo dute: "Medio askok jaso dute Urduñan Ataxia Telangiektasiaren ikerketa bultzatzeko ekimenen berri, eta horrek gaixotasun arraro hau ezagutaratzeko balio izan du". Emaitza ikusita, hurrengo egitasmoa diseinatzen hasi direla jakinarazi dute antolatzaileek,e ta espero dute aurki horren berri ematea.
5.500 euro UrduFolken
Iriala hasieran ospatutako UrduFolk jaialdiak ere txosnatik ateratako dirua AEDAT elkarteari bideratu dio, gaixotasunaren ikerketarako. Orotara 11.000 euro jaso dira hirian. "Urdufolkeko antolatzaileek eman ziguten aukera eskertu nahi dugu, diru bikoitza bildu ahal izateko" nabarmendu zuten jaialdiko antolatatzaileek.