Gazte bat erreskatatu zuten atzo ibaian, Arbieton, eta ospitalera eraman behar izan zuten

Aitor Aspuru Saez 2022ko urriaren 13a

Suhiltzaileek atera zuten gaztea ibaitik./ Aiaraldea

Arbietoko inguruetan atera behar izan zuten suhiltzaileek gaztea ibaitik. Anbulantzia batek Gurutzetako ospitalera eraman zuen eta Ertzaintza ikertzen ari da gertatutakoa.

Atzo larrialdi zerbitzuek esku hartu behar izan zuten Arbietoko kirol gunean gazte bat Nerbioi ibaitik ateratzeko. 19:30ak aldera Aiarako Parkeko suhiltzaileek esku-ohea erabili behar izan zuten horretarako.

Tokira bertaratu zen anbulantzia medikalizatu batek artatu zuen gaztea eta Gurutzetako ospitalera eraman zuen, Ertzaintzak azaldu duenez.

Poliziak berak adierazi dio Aiaraldea Komunikabideari gertatutakoa ikertzen ari dela. Izan ere, antza, erreskatea ez zen istripu baten ondorioa izan.

Ertzaintzako prentsa bulegoak aipatu duenez, gazteak eztabaida bat izan ostean, bere burua ibaira bota zuen. Nerbioiak puntu horretan ur gutxi duenez, zauriak eragin zituen eta larrialdi zerbitzuak deitzeko beharra egon zen.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide