Urriaren 22an, larunbatean, Sprint mailako errelebo mistoen lehiaketa antolatu zuten Gorobel mendilerroaren magalean. Senior mailan Gipuzkoako GOT taldeak irabazi zuen, Palentziako Orcaren eta Leongo Alconen aurretik.
Hurrengo egunean, igandean, distantzia klasikoko orientazio proba egin zuten, elite eta open mailetan. Ipar Ligako XX. Bizkaia Sariaren barruan egindako hamargarren eta azken proba izan zen, eta sariak banatzeko ekitaldia egin zuten txapelketaren ostean.
Emakumezkoen elite mailan Marina Garcia izan zen garaile (Alcon, Leon). Atzetik Cristina Rico (COBi, Bizkaia) eta Andrea Herrero (Orca, Palentzia) sailkatu ziren. Gizonezkoei dagokienez, Laurence Quinn (Nordeste-O, Asturias) izan zen azkarrena. Podiumeko hurrengo mailak Eduardo Gilek (Tjalve, Burgos) eta Unax Galarragak (GOT, Gipuzkoa) hartu zituzten, bigarren eta hirugarren postuan, hurrenez hurren.
Argazkiak: Nerea Monasterio eta Mikel Monasterio
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide