Urduñako Mendi Lasterketaren aurtengo edizioak arrakasta handia izan du eta dortsal guztiak agortu ditu iganderako. Talde antolatzaileak uste du Euskadiko Kopako finala Aiaraldeko hirian lehiatzeak zerikusia duela. 09:30ean abiatuko dute proba hori.
Hain zuzen, antolakuntzak Kopako txapela eskuratzeko egongo den lehia azpimarratu du: "Kirolari esanguratsuen artean Oihana Kortazar, Asier Larruzea, Lorena Campomar, Imanol Goñi, Ainara Urrutia, Lorena Guinaldo eta Jon Durana egongo dira. Aipatutakoak dira Koparen sailkapen nagusian lehen postuak okupatzen dituztenak 33 kilometroko lasterketan. Gizonezkoen artean, gainera, iazko podiuma lortu zuten 3 korrikalarik ere parte hartuko dute: Javi Goitia, Julio Salazar eta Kepa Vallejo".
Dena den, ibilbide anitzak betetzeko aukera emango dute. Alde batetik, 33 kilometroak bikoteka egiteko parada egongo da. 40 bikotek eman dute izena. Lasterkari batek 17 kilometroko ibilbidea bete beharko du eta besteak 16 kilometrokoa.
Gainera, proba herrikoia 14 kilometrokoa da. 550 metroko desnibela dauka eta 10:00etan hasiko da.
Ikusleak ere mendira
Urduñako Mendi Lasterketako antolatzaileek giroa sortu nahi dute herrigunean, baina baita mendietan ere. Esaterako, La Txozan horniketa puntua eta errelebo aldaketa egongo da eta autoz igotzeko aukera ere eskainiko dute.
Horrez gain, oinez igo nahi duenak animatzeko, hurrengo ordutegiak eta kokapenak aintzat hartu ditzake: