Aiaran eta Amurrion ibili ziren aurreko asteburuan Urduñako Txarlazo Mendi Taldeko kideak. Sare sozialetan kontatu dutenez, Luiaondotik Arespalditza eta Amurriorainoko bidea osatu zuten, Pagonabarra tontorra igota.
Otsailaren 26an, mendi-sagardotegia
Otsailaren 26an, igandean, egingo dute hurrengo txangoa. Hain zuzen, Buruntza mendia izango dute helmuga, 445 metroko tontorra. Plana, baina, bikoitza izango da. Izan ere, sagardotegira joango dira ibilaldiaren ostean. Bazkideentzako prezioa 50 eurokoa izango da, eta gainerakoentzat 60 eurokoa. Izena emateko epea, baina, otsailaren 23an (osteguna) bukatuko da. Ordutegiari dagokionez, 8:00etan aterako dira Urduñako suhiltzaileetatik, eta 20:00etan aurreikusi dute itzulera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide