Rosendo Mercadok Urduña bisitatu zuen ostegunean

Aitor Aspuru Saez 2023ko otsailaren 18a

Jose Iglesias eta Rosendo Hikei jatetxean. / J. I.

Egonaldi laburra egin zuen Rosendo musikari madrildarrak Urduñan ostegunean. Jarraitzaileek harekin egoteko aukera izan zuten.

Rosendo Mercado musikari madrildarra Urduñako Hikei jatetxean agertu zen ostegunean, 15:30ak aldera. Ostalaritza lokalaren arduradunak berehala ezagutu zuen eta berarekin hitz egin zuen. Antza, handik igarotzen ari zen eta sare sozialetan kritika onak ikusita, bazkaltzeko asmoarekin jo zuen hara.

Tamalez, establezimenduak sukaldea itxita dauka eguerdian. Dena den, Rosendok eta Jose Iglesias urduñarrak hizketaldia izan zuten, Iglesias sortzailearen jarraitzailea baita. Besteak beste, biek ezagutzen duten Burning taldeko jendeari buruz aritu ziren.

Iglesiasek azaldu du oso pertsona hurbila izan zela Rosendo Mercado eta argazkia egin zutela bisitaren lekukotza izateko. "Terrazan zegoen jende asko geratu zen argazkia eskatzeko gogoz, bereziki, ikusita hurbila dela", adierazi du.

Rosendo Mercado Espainiako Estatuko rock musika aitzindaria izan zen Ñu, Leño edota Rosendo proiektuekin. Urrezko diskoa irabazi du, besteak beste, eta 2018an utzi zion jotzeari.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide