Urduñarrek aurtengo pregoilaria eta txupineroa aukeratu ahal izango dituzte

Erredakzioa 2023ko martxoaren 14a
Deskargatu Info Ahotsak :

Txupinerak eta pregoilariak eman ohi diete hasiera Otxomaio jaiei. Argazkian, Juana Santiago Cordovilla iazko txupinera eta Urduñako Abesbatza pregoilariak. / Aiaraldea.eus

Urduñako Udaleko Kultura Sailak galdetegi bat zabaldu du Internet bidez 2023ko Otxomaioetako pregoilaria eta txupineroa herritarren artean hautatzeko. Horrez gain, jaien hasiera eta amaiera ekitaldiak proposatzeko aukera ere egongo da.

Urduñako Udalak galdetegi bat zabaldu du bere webgunearen bidez 2023ko Otxomaio jaietarako proposamenak jasotzeko. Zehazki, pregoilaria eta txupineroa eta jaien hasiera eta amaiera ekitaldiak proposatu ahalko dira inprimaki honen bidez.

Pregoilariaren ardura da jaiei hasiera ematen dien pregoia irakurtzea eta txupineroa txupinazoa botatzen duen pertsona da. “Kontuan izan behar da bi izendapen horien bidez pertsona horiek Urduñan edo Urduñarentzat egindako lana aitortu eta eskertu nahi dela”, zehaztu du Udalak. Hori horrela, figura bakoitzeko hiru proposamen egitea eskatu dute (pertsona, elkartea, erakundea…).

Horrez gain, jaien hasiera eta amaiera ekitaldiak dinamizatzeko proposamenak ere jaso nahi ditu Kultura Sailak. Martxoaren 23a bitarte -osteguna- egongo da galdetegia betetzeko aukera.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide