Urduñako Turismo bulegoak ekintza berezia antolatu du Pazko Astelehenerako. Hain zuzen, mendirako ibilaldi gidatua eskainiko dute, Julen Reketa mendi gidariaren eskutik.
Urduñako turismo bulegotik abiatuko da txangoa, 9:30ean, eta hiru ordu eta erdiko iraupena izango du. Mendiak eta Herriak entitateko gidariek dinamizatuko dute ibilbidea, eta 10 euro balioko ditu txangoak. Zehaztu dutenez, 10 kilometroko zeharkaldia izango da, 672 metroko desnibel positiboarekin. "Ibilbide zirkularra da", erantsi dute.
Erreserbak egiteko ordainketa egin behar da, izen-abizenak eta NAN zenbakia adierazita (Kutxabank 2095 5081 90 913769958).
Interesdunek eraman beharreko materialaren artean mendirako arropa (prakak, kamiseta termikoa, anoraka, txanoa, ur botila... ) edota janaria nabarmendu dituzte antolatzaileek. Argibide gehiagorako 945384384 telefonora dei liteke.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
