Urduñako mendateko trafikoa etengo dute asteartean eta asteazkenean

Aitor Aspuru Saez 2023ko apirilaren 24a
Deskargatu Info Ahotsak :

Ezinezkoa izango da Urduñako mendateko errepidea erabiltzea bihar eta etzi, goizetik eguerdira. / Aiaraldea.eus

Arabako Foru Aldundiak errepideko ezpondak garbitu eta egonkortuko ditu, harriak ez daitezen bidera erori.

Bihar -asteartea- eta etzi A-2625 errepideko trafikoa etengo dute Urduñako mendatean. 07:30ean hasiko da etenaldia eta 15:30ean berriro egongo da aukera azpiegitura erabiltzeko.

Arabako Foru Aldundiak adierazi duenez, "ezpondak garbitu, saneatu eta egonkortzeko lanak egiteko helburuarekin" debekatuko da errepidetik igarotzea tarte horretan.

Lanek eragingo dute 344 kilometro puntutik (Burgosko probintzia muga) 350 kilometro punturaino (Bizkaiko probintzia muga). Zehazki, ezpondetatik askatzeko eta errepidera erortzeko arriskua duen material soltea kenduko dute.

Aldundiak aipatu du hori lehenengo esku hartzea izango dela bidean, gero aztertuko baitute zein den irtenbide teknikorik onena ahalik eta harri gutxien erortzeko.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide