CD Orduñaren esku egongo da Bizkaiko lehen mailara igotzea larunbatean

Aitor Aspuru Saez 2023ko api. 26a, 10:45

Denboraldi oso ona egiten ari dira gorritxoak. / CD Orduña

Balmasedaren aurka jokatuko dute Arbieton eta irabaziz gero, igoera eskuratuko dute automatikoki.

Partida erabakigarria izango du CD Orduñak larunbatean Balmasedaren kontra. Izan ere, 17:30ean hasiko den norgehiagokan Bizkaiko lehen mailako igoera automatikoa izango dute jokoan gorritxoek. Irabaziz gero, urteko helburua beteko dute.

Bigarrena da sailkapenean CD Orduña, denboraldi bikaina egiten ari baita, eta igoera automatikoa bere esku dago.

Horretarako, denboraldi aparta ari dira egiten klubeko emakumezkoak eta 22 partida jokatu ostean, 51 puntu lortu dituzte. Hau da, 16 partida irabazi dituzte, 3 berdindu eta 3 galdu. Azken atal horretan, aipatzekoa da urduñarrek azaroaren 13tik asteburu honetara arte egon direla partida bat bera galdu gabe, eta azken jardunaldian apurtu da bolada positiboa Erandioren aurka.

Gauzak horrela, gorritxoak bigarrenak dira sailkapenean bi jardunaldi geratzen direnean liga amaitzeko. Azken norgehiagoka Pauldarren C taldearen kontra izango da euren zelaian.

Edonola ere, larunbateko hitzorduari begira, sentsazioak ez dira txarrak taldearen barruan, denboraldi osoan ez baitute porrota ezagutu etxean.

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide