EAJk alkatetza kendu dio EH Bilduri Urduñan

Erredakzioa 2023ko maiatzaren 28a
Deskargatu Info Ahotsak :

Iker Santocildes EAJren hauteskunde kanpainako ekitaldi nagusian. / Aiaraldea.eus

EH Bilduk Udalaren buru hiru legealdi jarraian egin eta gero, EAJk eskuratu du hurrengo lau urteetarako alkatetza. Lehia estua izan da, 47 botoko aldea egon baita bi alderdien artean.

Iker Santocildes (EAJ) izan da bozka gehien lortu duen alkategaia 2023ko udal hauteskundeetan Urduñan. 47 botoko aldea atera dio Itziar Biguriri (EH Bildu). Horrenbestez, Eusko Alderdi Jeltzaleak zinegotzi bat kendu dio koalizio abertzaleari: sei eta bost eskuratu dituzte, hurrenez hurren.

Parte-hartzea %70,71 izan da Urduñan, 2019an baino 4 puntu gutxiago. Botoa ematera deituta zeuden 3.246 urduñarretatik 2.295 gerturatu dira hiriko hautetsontzietara.

Guztira, EAJk 1032 bozka eskuratu ditu (%45,88), EH Bilduk 985 (%43,79), URE-Elkarrekin Podemosek 96 (%4,26), PSE-EEk 83 (%3,69) eta PPk 33 (%0,88).

2019ko hauteskundeen aldean, EAJk bozka bakarra galdu du, EH Bilduk 127, PSE-EEk 77 eta PPk 29. URE-Elkarrekin Podemos ez zen azken udal hauteskundeetara aurkeztu. Boto guztiak zenbatuta, sei zinegotzi lortu ditu EAJk eta bost EH Bilduk. Horrenbestez, indarrak alderantzikatu dituzte Urduñako bi alderdi nagusiek.

Politika Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide