IKER SANTOCILDES (EAJ)

“Lan asko egin dugu kanpaina osoan zehar eta azkenean emaitza heldu da”

Jone Gartzia Gerra 2023ko maiatzaren 29a
Deskargatu Info Ahotsak :

Iker Santocildes izan da Urduñako alkategai bozkatuena udal hauteskundeetan. / Aiaraldea.eus

IKER SANTOCILDES izan da Urduñako alkategai bozkatuena. EH Bilduk Udalaren buru hiru legealdi jarraian egin eta gero, EAJk eskuratu du hurrengo lau urteetarako alkatetza udal hauteskundeetan. Nolanahi ere, lehia estua izan da, 47 botoko aldea egon baita bi alderdien artean.

Gabon, Iker. Zelan zaude?

Gabon. Oso hunkituta. Oraindik ez dut sinesten.

Zelan jaso duzu emaitza?

Oso ondo. Azkenean, lan asko egin dugu kanpaina osoan eta azkenean emaitza heldu da.

Emaitzak ikusita, zein da zuen lehen balorazioa?

Oso balorazio ona egiten dugu. Uste dut boto bat galdu dugu, edo bi ez dakit, oraindik. Abstentzioa handia izan da eta espero dugu hurrengo hauteskundeetan parte-hartzea handitzea. Balorazioa oso ona da, irabazi dugu eta oso pozik gaude.

Hala ere, lehia oso estua izan da EH Bildurekin, 47 botoko aldea egon da bien artean. Zer aukera aurreikusten dituzue udal gobernuaren osaketari begira?

Lehenengo eta behin, gustatuko litzaidake denok egotea udalean eta elkarrekin lan egitea.

Bukatzeko, zer mezu helarazi nahiko zenieke herritarrei?

Eskerrik asko bozkatzeagatik, parte hartzeagatik eta espero dut egoeraren mailan egotea.

Politika Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide