Bizkaiko "azokarik zaharrena" den San Joan Feria ospatu dute asteburu honetan Urduñan. Larunbatean ekin zioten programazioari, autokarabanen aparkalekuaren ondoko zelaian egin zen artzain txakurren txapelketarekin.
Azoka nagusia, ordea, igandean izan zen. Euskal Herriko hamaika txokotatik bertaratu ziren abeltzainak, baina irudi ikusgarriena tokiko abeltzainek utzi zutena izan zen. Tertangako, Zedelikako eta Urduñako bizilagunek oinez eraman zituzten behi aziendak feriara, eta ganadua egin zen hiriko kaleen jabe.
Ehunka herritar gerturatu ziren eguneko egitarauaz gozatzera: tokiko behi arrazen erakusketa, nekazaritzarako makinariaren erakusketa, artisau azoka edota herri bazkaria izan ziren programazioa osatu zuten ekintzetako batzuk. Antolakuntzan murgilduta egon zen Olaran Elkarteak azoka egunaren balorazio "oso positiboa" egin du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide