Caminus elkarteko kideek harrera beroa izan zuten atzo Urduñan

Aitor Aspuru Saez 2023ko eka. 22a, 08:00

Giharretako distrofia gaitz arraroa duten kideek osatzen dute Caminus elkartea eta Hego Euskal Herrian bira abiatu berri dute. Atzo heldu ziren Urduñara eta jende ugariren babesa izan zuten.

Atzo izan zen Caminus Euskal Herria egitasmoaren hasiera. Horren barruan, giharretako distrofia duten bi lagunek Hego Euskal Herria zeharkatuko dute hamaika etapatan eta atzo izan zen lehena, Gasteiz eta Urduña artean.

15:00etan harrera egin zieten hilerrian eta 19:00etan Foru plazan izan zen ekitaldia, hiriko zenbait herritar eta ordezkari politikoren babesarekin.

Caminus elkartea 2019an sortu zuten gaixotasun arraroen berri emateko, aniztasun funtzionala duten pertsonen errealitatea azaleratzeko eta dirua eskuratzeko gaitz horien ikerketarako.

Gaur Urduñatik Bilbora joko dute Caminuseko kideek eta bederatzi egun barru Gasteizera itzuliko dira Donostia eta Lizarra zeharkatuta, besteak beste.

Ekimen horrekin mezu baikorra zabaldu nahi dute elkarteko kideek eta marka berria ezarri, Hego Euskal Herria gurpil-aulki elektrikoz zeharkatuko baitute lehenengo aldiz.

Argazkiak: Antonio Muñoz

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide