Giro eguzkitsuan ospatu dituzte Terrero auzoko jaiak

Aimar Gutierrez Bidarte 2023ko uztailaren 31
Deskargatu Info Ahotsak :

Urduñako Terrero auzoko jaiak ospatu zituzten uztailaren 29an. Dozenaka auzokide batu ziren egitarauko ekintzetan; tortilla eta paella lehiaketak izan ziren arrakastatsuenak.

Eguraldia lagun eta giro atseginean ospatu zituzten larunbatean -uztailak 29-  Urduñako Terrero auzoko jaiak. 11:00etan ekin zioten egitarauari meza eta kanpai-iraulketarekin. Trikiti doinuek auzoko kaleak girotu zituzten jarraian. Dena dela, ekintzarik arrakastatsuenak patata-tortilla eta paella lehiaketak izan ziren. 

Bazkalostean haurrentzako puzgarriekin eta kuadrillen arteko jolasekin eman zioten jarraipena egitarauari. Gauean, Five Directions taldeak kontzertua eskaini zuen, eta festa-giroa luzatu zuten DJ Varro urduñarrek.

Argazkiak: Terreroko Jai Batzordea

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide