Lendoñobeitiko jaiak ospatuko dituzte ostegunean

Aimar Gutierrez Bidarte 2023ko abuztuaren 1a

Egun osoko egitaraua prestatu dute abuztuaren 3rako. / Aiaraldea.eus

San Esteban ospatuko dute etzi Lendoñobeitiko bizilagunek. Egitarau oparoa prestatu dute horretarako. Ekintza nagusietako bat bola txapelketa izango da, bi egunez luzatuko dena.

Abuztuaren 3an San Esteban jaia ospatuko dute Lendoñobeitiko bizilagunek. Txupinazoa aurreko egunean jaurtiko dute, abuztuaren 2an, 22:00etan, ospakizunei hasiera emateko.

Osteguna kanpai hotsekin abiatuko dute, eta 12:30ean San Estebanen ohorezko meza egingo dute. 13:00etan trikipoteoa egingo dute eliza inguruan. Bazkalostean kalejira batek herriko etxeak bisitatuko ditu, eta 19:00etan haurrentzako jolasak egingo dituzte.

21:00etan ohiko odoloste janari ekingo diote. Etxebarria Aita Seme Trikitilariek dantzaldia eta erromeria girotuko dute goizeko ordu-txikiak arte.

XI. Bola Txapelketa

Jaietako ekintza nagusietako bat XI. Lendoñobeitiko Bola Txapelketa izango da. Abuztuaren 2an hasiko da Tertangako Eleixalde Bola Elkarteak, Lendoñobeitiko Administrazio Batzarrak eta Urduñako Udalak antolatutako txapelketa, 18:00etatik 20:00etara. San Esteban egunean jarraituko dute norgehiagokarekin eta azken tiradek ebatziko dute txapelduna.

Kultura Urduña Lendoñobeiti

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide