Urduña Hiria Herri Krosa probaren XVII. edizioa jokatu zen atzo. Foru Plaza izan zen irteera eta helmuga puntua eta bere inguruan aritu ziren kirolariak zein ikusleak.
11:30ean 10 kilometroko ibilbidean izena eman zuten 230 lastekari atera ziren eta lehen hiru sailkatuak Brahim El Asri, Alberto Díaz Domínguez eta Amine Bougrine izan ziren. Hala ere, lehenengo postuak zein sailkapen gehiena aiaraldearrez josita egon zen.
12:40an, ordea, kirol paralinpikoaren txanda heldu zen. Javi Conde taldeko hainbat atleta kokatu ziren irteera marran eta klubak egiten duen lanagatik Condek berak omenaldia jaso zuen sari banaketan.
Horien ondoren, dena den, oraindik ehunka korrikalari zeuden euren orduaren zain, eta eurekin senideak zein lagunak. Izan ere, hurrengo bi probak txikiena eta mini-txikiena izan zen, zeinetan gazteek, eta batzuetan gurasoek ere, bete zituzten ibilbideak.
Amaitzeko, lehen hiru sailkatuak aitortu ez ezik, emakumezko azkarrenak edota Urduñako lehen sailkatuak ere saritu zituzten.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide