Musikaz beteko dira beste behin Urduñako kaleak, Kolektibo Liboriok antolaturiko Musika Poteoaren edizio berriari esker. Azaroaren 17tik 26ra luzatuko da egitaraua. Musika eskaintza zabala izango da eta hogei musika talde baino gehiago arituko dira hiriko tabernetan kontzertuak eskaintzen.
Musika taldeak bakarrik ez, herritarrek ere izango dute talentua kalera ateratzeko aukera. Azaroaren 25ean, 13:00etatik aurrera, hiriko kaleak musikaz blaitzeko deialdia zabaldu dute antolatzaileek, urduñarrei etxeko musika tresnak ateratzeko gonbita luzatuz. Kaleak astindu ostean, musikari guztiak Romulo tabernan elkartuko dira 18:00etan hasiko duten jam sessionean.
Musika Poteoaren egitarauaren barruan Musika Astea ere ospatuko dute Urduñan, azaroaren 25 eta 26an, tabernetako programazioa are gehiago aberastuz. Azaroaren 25ean Josefinoen elizan talde koralen kontzertua eskainiko dute 19:00etan. Azaroaren 26an, aldiz, hitzordu bikoitza izango da. Santa Zezilia Musika Bandak kalejira egingo du 12:00etan eta 13:30etan kontzertua eskainiko dute Foru Plazan.
Honakoa da datozen egunetarako egitaraua:
Azaroak 17, ostirala
19:00 // Melis - Piano On The Rocks
20:30 // Gernika - Egoitz Uriarte
23:00 // Romulo - Botxo Boogies
Azaroak 18, larunbata
13:00 // Bar X - Periflay
13:30 // Sortetxe - Confluence
13:30 // Sutegi - The Smoke Dealers
14:00 // Urioste taberna - Kinki Boys
18:00 // Frontoi - Txalainak
20:00 // Lupardika - Icipop & Tatoman
23:00 // Llarena - The cherry Boppers
Azaroak 19, igandea
13:00 // Sukalki - Juanmi Atlantida
13:30 // Hotel Orduña Plaza - Mubajito
13:30 // Batzoki - Gorka Naste
14:00 // Belatz Gorri - Amaury Santacruz
18:00 // Hikei - bandidos
Azaroak 24, ostirala
22:00 // Gorobel - Kesonikate
00:00 // Amnesia - Eirband
Azaroak 26, larunbata
13:30 // Poteo Musikala (Atera zure musika tresna eta atera kalera)
18:00 // Rómulo - Jam Session