Urduñara iritsiko da Durangoko Azoka astelehenean, Jon Artanoren eskutik

Txabi Alvarado Bañares 2023ko abe. 9a, 21:26
Argitaratu berri duen liburua aurkeztuko du Jon Artanok Mahor liburudendan. / Durangoko Azoka

Juana liburua aurkeztuko du idazle eta kazetari zestoarrak Mahor liburudendan.

Durangoko Azoka ez da bihar amaituko. Datorren astetik aurrera 'Zu Non, Han DA!' ekimena abiatuko dute azokaren antolatzaileek, Euskal Herriko hainbat liburudendetan barrena. 

Astelehenean bertan iritsiko da ekimena Aiaraldera, Jon Artanoren eskutik. Kazetari eta idazle zestoarrak Juana liburua argitaratu du Elkar argitaletxearekin, eta lan hori aurkeztuko du Urduñako Mahor liburudendan, 18:30ean. 

Tere Mujika bekaren bidez argitaratu du liburua Artanok. Juana Perea Plataren bizitza ikertu du kazetariak. 1937an Bilbotik ihesi Kolonbiara iritsitako familia batean jaio zen emakume hori, eta 2020an erahil zuten. Erahilketa horren nondik norakoak aztertu ditu Zestoako idazleak, Kolonbiara bidaiatuz, hilketaren dokumentazioa arakatuz eta lekukoekin mintzatuz, besteak beste. 

Orotara, Euskal Herriko 88 liburudendek parte hartuko dute Durangoko Azokaren egitasmoan, abenduaren 11tik 20ra. Zirkuitu horren bidez, azokako nobedadeak emango dituzte ezagutzera, idazleekin aurkezpenak eginda. Urduñan astelehen honetan egingo dena izango da, beraz, zirkuituko lehenbiziko zitetako bat. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide