Gaur Orduña Hiri Museoak eguneroko objektuen erakusketa berria inauguratuko du. Lisakin, irrati eta josteko makinen bildumen ondoren, txanda heldu zaie kafe-makinei. Kepa Aperribai basauriarrak hautatu ditu urte luzez eta hau ez da izango bere lehenengo erakusketa. Aurretik Altsasun, BECen edota Iruñean erakutsi ditu eta.
Aperribaik bere gurasoekin —eurak ere bildumazaleak ziren— abiatu zuen zaletasun hori eta Bilbon erosi zituen lehenengo piezak. Gero Bartzelonan, Madrilen, Alemanian eta Europako beste hainbat herrialdetan osatu du bilduma.
Horrela eskuratu ditu Frantziako, Ingalaterrako, Suitzako, Errusiako, Bielorrusiako, Ameriketako Estatu Batuetako, Mexikoko, Venezuelako, Kubako, Txinako, Indiako, Tailandiako edota Marokoko piezak.
Bide luze horretan batu ditu funtzionamendu ezberdinetako makinak: Samovar, Percolator, Capuchino, Napolitana, Filtro, Vacumm, Italiarra...
Gaur 19:00etan egingo dute erakusketaren inaugurazio ekitaldia, museoko areto nagusian.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
