Erauntsi Eguna ospatuko dute martxoaren 23an, elkartasuna ardatz

Aimar Gutierrez Bidarte 2024ko martxoaren 10a
Deskargatu Info Ahotsak :

Egun osoko egitaraua prestatu dute Erauntsi Dantza Taldeko kideek. / Erauntsi Dantza Taldea

Erauntsi Dantza Taldeak egun osoko egitaraua prestatu du martxoaren 23rako. Goizetik gauera dantza izango da protagonista nagusia Urduñako kaleetan. Bildutako diru guztia ADELA elkartera bideratuko dute.

Urduñako Erauntsi Dantza taldeak egun osoko egitaraua prestatu du datorren martxoaren 23rako. Erauntsi Eguna deitu diote ekimenari eta hiriko txoko desberdinetan garatuko dituzte ekintzak.

Egun osoko egitaraua

Eguna dantza-poteoarekin abiatuko dute, eta 15:00etan herri bazkaria egingo dute Foru Plazan. Arratsaldea Dantza Plazarekin girotuko dute eta 20:00etan batukadak zeharkatuko ditu Urduñako kaleak. Programa borobiltzeko kontzertuak egongo dira 21:30etatik aurrera Foru Plazan. Oholtza gainera Belgorri eta Cuatro Bancos amurrioarrak igoko dira. Jai-giroa luzatzearen ardura DJ Masa musika-jartzaile laudioarrak izango du.

ADELA elkartea

Bildutako diru guztia ADELA elkartera bideratuko dute, ELA gaixotasunak eragindako pertsonen bizi-kalitatea hobetzeko irabazi-asmorik gabeko erakundera.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide