Erauntsi Egunak dantzaz busti ditu Urduñako kaleak

Aimar Gutierrez Bidarte 2024ko martxoaren 24a
Deskargatu Info Ahotsak :

Dantza izan zen atzoko protagonista Urduñan, Erauntsi Dantza Taldeak antolaturiko Erauntsi Egunari esker. ADELA elkartera bideratuko dute bildutako diru guztia.

Urduñako Erauntsi Dantza Taldeak egun osoko egitaraua zuen atzo. Dantza-poteoarekin abiatuko zuten goiza, eta herri bazkariarekin eman zioten segida. Dantza plazarekin eta batukadarekin girotu zuten arratsaldea, eta kontzertuak egon ziren iluntzean Foru Plazan. Belgorri eta Cuatro Bancos talde amurrioarrak igo ziren oholtzara. Jai-giroa luzatzearen ardura, aldiz, DJ Masa musika-jartzaile laudioarrak izan zuen.

ADELA elkartera bideratuko dute bildutako diru guztia, ELA gaixotasunak eragindako pertsonen bizi-kalitatea hobetzeko irabazi-asmorik gabeko erakundera.

Argazkiak: Erauntsi Dantza Taldea

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide