EH Bilduk Palestinako ikurrarekin udalbatzara joateko deia zabaldu du, alkateak uko egin diolako Gazari buruzko mozioa eztabaidatzeari

Aitor Aspuru Saez 2024ko maiatzaren 29a
Deskargatu Info Ahotsak :

2014an Palestinako ikurra balkoian jarri zuten, Israelek Gaza eraso baitzuen.

Udal buruak argudiatu du udal esparruko interesetatik eta eskumenetik at dagoela eta EH Bilduk erregu eta galderetan eztabaidatzea proposatuko du.

Gaur 18:00etan izango da maiatzeko udalbatza Urduñan eta EH Bilduk deia zabaldu du herritarren artean, bilkurara joan daitezen Palestinako ikurrarekin.

Koalizioak salatu du pasa den astean Gernika-Palestina herri ekimenaren mozioa eztabaidatzea proposatu zuela, baina alkateak ez duela gaia onartu.

Hain zuzen, Iker Santocildesek dekretu bidez azaldu du udal esparruko interesetatik eta eskumenetik kanpo dagoela testuaren asmoa, eta horregatik ez duela onartzen udalbatzako gai ordenean.

Horren aurrean, EH Bilduk herritarrak deitu ditu Palestinako ikurrekin joatera udaletxera arratsaldean. Halaber, koalizioak adierazi du erregu eta galderetan eskatuko duela mozioa bozkatzea.

Politika Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide