Aiaraldeko zazpi borrokalari igoko dira ringera larunbatean Urduñan

Aitor Aspuru Saez 2024ko eka. 20a, 11:00

Aitor Ibarluzea ostiko bat blokeatzen iaz Amurrion izandako borrokaldian. / Aiaraldea.eus

Urduñako frontoian hasiko da borrokaldia 17:30ean eta Ruben Dominguez, David Zubiaur, Markel Ulibarri, Azkain Menoyo, Jorge Bengoa, Aitor Ibarluzea eta Ibai Ruiz izango dira eskualdeko kirolariak.

🔴 AMURRIOKO UDALAK DIRU-LAGUNTZA KENDU DIO ESKUALDEKO EUSKARAZKO KOMUNIKABIDE BAKARRARI 🔴
📝 Eman atxikimendua eta babesa Aiaraldea Komunikabideari, hemen sinatuta 👇

www.labur.eus/amurrioneuskarazbizinahidugu

📍 Ekainak 21, ostirala, AGERRALDI HERRITARRA Amurrioko Juan Urrutia plazan, 19:30ean.

Urduña Borroka Garaia ekitaldia egingo dute larunbatean frontoian. Borrokaldiak norgehiagoka profesional bat izango du eta Muay Thai torneoa ere egongo da. Adingabeen Muay Thai txapelketa bat ere jokoan izango dute eta K1 borrokak eskainiko dituzte.

Eskualdeko ordezkari ugari egongo dira ringaren gainean: Ruben Dominguez, David Zubiaur, Markel Ulibarri, Azkain Menoyo, Jorge Bengoa, Aitor Ibarluzea eta Ibai Ruiz. Gehienak Chock Dee taldekoak dira eta bat Hajime klubekoa. Idoia Arzuagak ere parte hartu behar zuen hitzorduan, baina bere aurkariak lesioa izan du.

Chock Dee klubak eta Gernika Tabernak antolatzen dute kirol jarduera eta han eros daitezke sarrerak, 10 euroren truke aurretik eta 15 eurorengatik egunean bertan. Eskola jazarpenaren kontrako Stop Bullying elkartera bideratuko dute dirua.

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide